غير اعترف ونسامحك

غير اعترف وامسامحك ...... ماانريد منك شي.

غير اعترف من صالحك .... بالك الحق علي.

لك عام مانك صافي ..... وين ماتغيب اتطول .

حتى كلامك جافي ..... مانك حبيبي لأول .

يانالي مش فاهمك ...... وانت تساير في.

يا فيه غيري شاغلك ...... وخايف اتقوله لي.

ردت سلامك بارده ....... مش كيف مامعودني.

نظرت اعيونك شارده ...... قول خاطري زاهدني.

وكانك القيت بديل ..... احكي تعال واجهني.

ماتخاف دمعي يسيل ...... ولا تقول تو يكرهني.

عارف ابراجي مايحه ..... ونجوم حظي طايحه.

حتى وهن في ايدي

كانك اتريد الصادقه ....... نلقانك متبدل .

نبرة كلامك حارقه ...... اتقول عالخطا تسبل.

خليك انت البادي ....... مانريد غير سلامتك.

عارف ادروبي قاصره ...... ديمه ارباحي خاسره.

من قبل حتى اتجي

غير اعترف وامسامحك ...... ماانريد منك شي.