أمــــرايف انشوفــــك

أمــــرايف انشوفــــك



يـــــا بعيــــد الـــــدار ،،، ما اخطيتنى فالحلم ليل نهار

ديمــا امعايا

يااللى بعيد علي ،،، ويا اللى على ما قلت فيك اشوى

ويا اللى اغيابك شين مثر فى ،،،، لاعند توا ما برد سطَار

منك انعاني غير مو بيدي ،،، افراقك قهرنى كيف لذع الجمار

و عارف زمانى يا عزيز اقسى ،،، وعارف الغيري قسمنا دوار

و عارف نصيبي فيك موش قوي ،،، وساس الملاقا بينا منهار

و مازلت يا غالى امعاك وفي ،،، وما عمري قصرت فالمشوار

ومازلت نرجى فيك نين اتجى ،،، ومازلت فى عهدى كتيم اسرار

ومازلت واضح كيف ظنك بي ،،، وعمرى وراك انكملا صبار

و اللي احذاك ابعيب يجبد في ،،، اتقول بينا ساير اقتال وثار

نا اسامحه ما انريد منه شي ،،،، امهلب امواجع واجدات اكبار

ونا للسلام امعاه طارح ودي ،،،، وما عمرني كافيت باللي دار

واللي اديرها فينا عليك رضي ،،،، وديما على شائك انريد اقدارى

مليان خااااااااطرى من الشوق نين اروى

امرايف انشوفك يا ونس لنظار