أمونة إدارة المنتدى
عدد المساهمات : 175 تاريخ التسجيل : 13/03/2010 العمر : 37 الموقع : bntmisurata.yoo7.com
| موضوع: فى فرق ياكحيل انظاره الخميس أبريل 15, 2010 7:32 am | |
| فيه فرق واضح يا كحيل انضاره *** انا منسبي الزنتان وانتي زواره انا من غـــــــــــادي *** من ناس سكنو فالجبل والوادي اسياد بــر مشهورين ناس ابادي*** فراسين عالي صيتهم واقداره ارباوة عصروواجهــوا الاعادي *** وماهن منللي يكدبــو ثرثاره ومتعة الهم صوت كح الصــادي *** كيف متعتك وين تسمعي قيتارا ونبدة عطيتك عن مكان بــلادي *** نريد تفهمي يا لابسه النضاره صحيح طيب حنون طبعي هـادي *** لكن في الغلاء راني عديم دباره ردت عليا وقتلي:- وصـــــل جوابك وغيركيف *** تنهي طــــول شنهو صابك خيبت ضني فيك مانحسابك *** وردك صعيب وفيه نـــوع مراره وجيتك نريد الـــود وافتح بابك *** ماني من للي خاينـه وغداره الشاعر:- لا الــــــــــود نريده *** ولا نريد غالي تكون ايدي فيده وعايش راني في ظـروف شديده *** عيشت فقير وحالته منهـاره نشكي لــربي من هموم عديده ***وعلي الخد ديما دمعتي قطـاره وانتي والدك غني ربــي يزيدا ***علي صغر سنك دارلك سيـارة نيسان حمره تابته وجديــــده *** ونقال جوده غاليات اسعــاره وانا ننتظر فالموت والتلحيـــدا *** باش ينتهي هالفقر بمشـواره ردت وقالت استغفر ربـــــــــــك *** ومش عيب راهوكان قلبي حبك وان كان غاب دواك رانـي طبك *** والفقـرعادي نهدمــوها داره وخلـي الاصابع فبعضها تشبك *** ونبدوا في دنيا زاهيــا نواره الشاعر:- اقبلــــــــي اعتداري *** وراهي افكارك موش زي افكاري انتي ساكنه لحضور عقلك قاري *** فاهم وواعي في حل اي دبـاره ولو تسمعي بالبــر هدا داري *** في وين الحمـاده مرتع الخواره وانتي بنيّت حضر موش براري ***وفيه فرق بين البحر بين قراره وانا نحترم في كل من هو جاري ***وليك احترامي نفرضه ياجاره ونسغفره مـولاي هللي داري *** وعالم بسر العبد قبل اجهاره ويابنت نرجا فيك ماتحتــاري *** وربك العالم اطلبي استغفااره [ندعوك للتسجيل في المنتدى أو التعريف بنفسك لمعاينة هذا الرابط] | |
|
nono
عدد المساهمات : 4 تاريخ التسجيل : 23/08/2010
| موضوع: رد: فى فرق ياكحيل انظاره الإثنين أغسطس 23, 2010 6:25 pm | |
| ياودي خلاص اعتزلت الشعر صحه ليكم
| |
|